طريقه عمل بطاطس مبطنه

المقادير

طريقه عمل بطاطس مبطنه Iloveu

3 بطاطس حجم متوسط
ربع كيلو بسطرمة
10 حبات زيتون او اكتر للي يحب يزود يعني
2 طماطم متوسطة
فلفل اخضر انا بحب كتيير ممكن تحطوا 4 مثلا
اه جبنة تركي متحطوش موزريلا مش بتبقى حلوة التركي احلى
كل ما الجبنة كانت كتيرة كل ما كانت اطعم
اه بقدونس بقى حطوا حزمتين بقدونس

اه حنحتاج كمان بقصماط مطحون لو مفيش يبقى هاتوا لو معندكوش اي رغيف عيش بقى حطوا في الفرن وابقوا اطحنوه عيال فقر فقر
حنحتاج كمان 3 بيضات
وكوب دقيق
الطريقة بقى

1- اسلقوا البطاطس كويس اوووي وبعدين قشروها واهرسوها بالشوكة او بالهون يعني اللي يريحكوا
2- قطعوا كل المقادير اللي قولت عليها فوق كلها كلها تتقطع بحجم متوسط جميل كدة ما عدا البقصماط والبيض والدقيق عشان انا عارفة الذكاء
3- كل المكونات اللي فاتت دي بقى حطوها على بعضها لحد ما تبقى كلها كدة متجانسة
4- تعرفوا تكوروها تعملوا كور يعني بيها
5- حطوها في الدقيق وبعدين البيض وبعدين البقصماط
6- في طاسة بقى فيها زيت سخن بقى وحطوها واحدة واحدة كدة واستنوا عليها لحد ما تاخد لون ذهبي كدة او بني فاتح
7- طلعوها بقى من الزيت وكلوها وحتدعوا لي
بالهنا والشفا

merciiiiiiiiiiiii

» كيفيه عمل مكرونه بالفلفل والجبنه وسمك و بطاطس بازيله
» طريقه عمل صينيه خضار في الفرن
» طريقه عمل البيتزا على عشر خطوات بالصور المتحركه...